Nachtbrakers
‘k heb een cluppie opericht
een club veur slaopelozen
veur volk dat altied wakker lig
en nooit ooit slaopt as rozen
Der is een waakgroep anemaakt
zodat wij ‘s nachts kunt appen
wij tipt menare as wij waakt
of ligt soms wat te kleppen
wie niet deur Morpheus wordt ekust
daorvan kreg zien mobiel gien rust
die stuurt berichies naor de rest
en bin’k dan eindelijk in slaop
dan is ter altied weer dat schaop
die mij mien nachtrust weer verpest